Жылыой және Махамбет аудандарындағы су айдындарында профилактикалық рейдтер өткізілді

Атырау облысы, Жылыой мен Махамбет аудандарында орналасқан су айдындарындағы қауіпсіздікті қамтамасыз ету мақсатында, Атырау облысы Төтенше жағдайлар департаменті басшылығының қатысуымен күшейтілген рейдтік іс-шара ұйымдастырылды.

Рейд барысында демалушыларға рұқсат етілмеген орындарда суға түсудің қауіптілігі ескертіліп, ата-аналарға балаларды қараусыз қалдырмау қажеттілігі түсіндірілді.

Төтенше жағдайлардың алдын алу – әр азаматтың жауапкершілігі. Су айдындарында қауіпсіздік ережелерін сақтап, өз өміріңіз бен жақындарыңыздың амандығына бейжай қарамаңыз!