Атырау қаласында Дінмұхаммед Қонаев атындағы Binom мектеп-лицейде өрт-тактикалық оқу-жаттығу өтті

Іс-шараның мақсаты – білім беру мекемесінде туындауы мүмкін төтенше жағдайларға жедел әрекет ету алгоритмін пысықтау, сондай-ақ оқушылар мен педагогтардың қауіпсіздік дағдыларын арттыру болды.

Жаттығу барысында шартты өрт дабылы беріліп, мектеп ұжымы мен оқушылар қауіпсіз аймаққа эвакуацияланды. Құтқарушылар өрт ошағын анықтап, жедел сөндіру жұмыстарын жүргізді, сондай-ақ «зардап шеккендерді» құтқару және алғашқы медициналық көмек көрсету іс-қимылдары пысықталды.

Оқу-жаттығуға тартылған күштер мен құралдар үйлесімді жұмыс істеп, барлық кезеңдер белгіленген нормативтерге сай орындалды.

Мұндай шаралар төтенше жағдайлардың алдын алуға және халықтың қауіпсіздік мәдениетін қалыптастыруға бағытталған маңызды қадам болып табылады.