Атырауда балабақша басшыларымен өрт қауіпсіздігі бойынша түсіндірме жұмыстары жүргізілді

Атырау қаласы Төтенше жағдайлар басқармасының мамандары қала аумағында орналасқан жеке және мемлекеттік мектепке дейінгі білім беру ұйымдарының басшыларымен кездесу өткізді.

Жиналыстың басты мақсаты – мектепке дейінгі мекемелерде өрт қауіпсіздігін қамтамасыз ету, сондай-ақ төтенше жағдайлардың алдын алу шараларын түсіндіру.

Іс-шара барысында мамандар өрт болған кездегі дұрыс әрекет ету алгоритмін, балаларды қауіпсіз және шұғыл эвакуациялау тәсілдерін, алғашқы өрт сөндіру құралдарын пайдалану ережелерін жан-жақты түсіндірді. Сонымен қатар, мекеме өкілдеріне өрт қауіпсіздігі талаптарын сақтау бойынша әдістемелік ұсынымдар таратылды.

Аталған ұсыным хаттарда Қазақстан Республикасы Төтенше жағдайлар министрінің 2022 жылғы 21 ақпандағы №55 бұйрығымен бекітілген өрт қауіпсіздігі ережелерін бұзу жағдайлары мен жиі кездесетін кемшіліктер атап көрсетілген.

Жиналысқа 100-ге жуық мектепке дейінгі білім беру ұйымының басшысы қатысты.

 

 

Атырау қаласы ТЖБ