Астана қаласының Эвакуациялық комиссиясының отырысы

2024 жылғы 18 cәуірде Астана қаласы әкімдігінде елорда әкімінің орынбасары Е. Байкеннің төрағалығымен Астана қаласының Эвакуациялық комиссиясының отырысы өткізілді. Кеңестің басты мақсаты эвакуациялық іс-шараларды жоспарлауды және ұйымдастыруды тікелей жүзеге асыру.

         Оған жергілікті атқарушы орган мен ТЖ департаментінің өкілдері және Эвакуациялық комиссияның құрамына кіретін мемлекеттік мекемелер қатысты.

Эвакуациялық комиссия отырысын өткізу шеңберінде 2 мәселе қаралды: «Зардап шеккен халықты қабылдау пункттерінің дайындығы туралы», «Елорданы хабардар ету жүйесінің жай-күйі туралы».

         Өткізілген отырыстың қорытындысы бойынша эвакуациялық іс-шаралардың проблемалық мәселелері талқыланып, бірқатар қажетті тапсырмалар берілді