Өнеркәсіптік қауіпсіздіктің өзекті мәселелері талқыланды

Астана қаласы Төтенше жағдайлар департаментінің Өнеркәсіптік қауіпсіздік басқармасы елорданың ірі кәсіпорындарының өкілдерімен кезекті семинар өткізді.

Аталған жұмыс Министрлік пен оның салалық комитеті басшылығы қабылдаған бизнес-қоғамдастықпен өзара іс-қимылдың жаңа тұжырымдамасы аясында жүргізілуде.

Семинар барысында өндірісте төтенше жағдайлар туындаған кезде уәкілетті мемлекеттік органдар мен қауіпті өндірістік объектілер субъектілерінің өзара іс-қимыл мәселелері, сондай-ақ қауіпті объектілер туралы мәліметтерді өзектендіру және «Е-ТЖМ» бірыңғай ақпараттық-талдау жүйесін қалыптастыру мәселелері талқыланды.

Жергілікті атқарушы органның, Еңбек инспекциясының және Өнеркәсіптік қауіпсіздік басқармасының өкілдері семинарға қатысушылардың сұрақтарына жауап берді