Астанада тұрғын үй заңнамасы мәселелері бойынша түсіндіру жұмыстары жалғасуда

Елордалық ТЖД Кадр және тәрбие жұмысы басқармасының бастығы жеке құраммен тұрғын үй төлемдеріне қатысты кездесу өткізді.

Кездесу барысында қызметкерлерге тұрғын үй төлемдерін тағайындау және алу тәртібі, сондай-ақ оларды заң талаптарына сәйкес мақсатты әрі дұрыс пайдалану қағидалары жан-жақты түсіндірілді.

Сонымен қатар тұрғын үй төлемдерін игеру кезінде заң бұзушылықтарға жол бермеу, белгіленген талаптарды сақтау және құқық бұзушылықтардың алдын алу мәселелеріне ерекше назар аударылды.

Мұндай түсіндіру іс-шаралары қызметкерлердің құқықтық сауаттылығын арттыруға, сондай-ақ тұрғын үй төлемдерін пайдалану барысында заңдылық пен ашықтықты қамтамасыз етуге бағытталған.