Жедел құтқару жасағында ашық есік күні өтті

Балаларды қорғау күніне орай өткен іс-шара балаларға көтеріңкі көңіл күй мен жарқын әсер сыйлады.

Іс-шара барысында құтқарушылар балаларды авариялық-құтқару техникаларымен, арнайы құрал-жабдықтармен, сүңгуірлік жарақтармен және кинологиялық қызметтің жұмысымен таныстырды.

Сонымен қатар, қызметкерлер судағы құтқару тәсілдері бойынша шеберлік сабағын өткізіп, балаларға судағы қауіпсіздік ережелерін түсіндірді.