«Stadler Kazakhstan» ЖШС-де өрт-тактикалық оқу-жаттығулар өтті

Оқу-жаттығуларға  Астана қаласының Төтенше жағдайлар департаментінің 8 бірлік өрт сөндіру техникасы және 40 қызметкері қатысты.                                                                              Оқу-жаттығу шарттарына сәйкес, жинақтау цехында қысқа тұйықталу салдарынан электр кабельдері жанған. Өрт сөндіру бөлімшелері оқиға орнына шақырудың жоғарылатылған нөмірі бойынша жедел жетті.                                                                                                         Барлау жұмыстары барысында цех ішінің қатты түтінге толғаны және зардап шеккендер бар екені анықталды. Үйлесімді әрі жедел іс-қимылдардың нәтижесінде бір адам құтқарылып, шартты өрт толықтай сөндірілді.                                                                        Мұндай оқу-жаттығулар өрт сөндірушілердің кәсіби даярлық деңгейін арттыруға, сондай-ақ өрттерді сөндіру кезінде нысан әкімшілігі мен ТЖД арасындағы өзара іс-қимыл алгоритмдерін пысықтауға бағытталған.