Байқауға ҚР ТЖМ бағынысты мекемелері мен Алматы қаласы ТЖД, барлығы 25 қызметкері қатысты. Байқау барысында қатысушылар өздерін таныстырып, Абай өлеңдерін мәнерлеп оқыды.
Өткізілген шараның мақсаты – Абайдың тау сілеміндей мол мұрасын жаңғырта отырып, өлмес ғибратының өміршеңдігі мен қызметкерлер арасында патриоттық рухты насихаттау.
Байқау қорытындысы бойынша өз өнерімен көзге түскен қызметкерлер жүлделі орындарға ие болды:
Бас жүлде - Қанатбек Темірлан Жомартұлы (№ 4 МӨСБ жүргізуші-қызметкері);
1 орын – Айсалық Абылай Алтайұлы (Мамандандырылған жасақ қызметкері);
2 орын – Бибатыров Әділет Жылбекұлы (Азаматтық қорғаныс академиясының Алматы қаласы бойынша оқу орталығының тыңдаушысы);
3 орын – Сәрсенбі Мағжан Аманжолұлы (№ 8 ӨСБ жүргізуші қызметкері).
Барлық қатысушыларға ынталандыру сыйлығы ретінде "Абайдың қара сөздері" кітабын сыйға тартты. Жеңімпаздарға Алматы қ. ТЖД бастығының атынан құрмет грамоталары және бағалы сыйлықтар табысталды.