"Алматылық қауіпсіздік мобильді мектебі" таулы лагерьге барып қайтты

Алматы қаласы ТЖД «Қауіпсіздіктің мобильді мектебі» жобасы тау бөктерінде орналасқан балалар лагеріне барып, демалып жатқан балаларға ерекше қауіпсіздік сабағын ұйымдастырды. Балалар өрт сөндіру көлігінің дабылын естіп, оқу-жаттығу эвакуациясына қатысып, жасанды жер сілкінісін өздері сезініп көрді.

«Қауіпсіз демалыс» республикалық акциясының басты мақсаты – балаларды қауіпсіздік ережелеріне қызықты әрі түсінікті форматта үйрету, сондай-ақ жазғы демалыс кезінде балалар жарақатының алдын алу.

Сол күні лагерь аумағы құтқарушылардың нағыз тәжірибелік алаңына айналды. Өрт сөндірушілер мен құтқарушылар шеберлік сабақтарын өткізіп, өрт және жер сілкінісі кезінде, су айдындарында төтенше жағдай туындағанда қалай әрекет ету керектігін түсіндірді. Сонымен қатар көпқабатты тұрғын үйлердің терезелерінен балалардың құлап кету қаупі туралы ескертілді.

Бағдарламаның тәжірибелік бөлігі балалардың ерекше қызығушылығын тудырды. Олар IVECO өрт сөндіру автокөлігінің жауынгерлік қанат жаюын тамашалап, арнайы құрал-жабдықтармен танысып, заманауи құтқару бөлімшелерінің жұмысымен танысты.

Ал жер сілкінісі симуляторы балаларға ерекше әсер сыйлады. Оның көмегімен олар жер асты дүмпулері кезінде ғимараттың қалай тербелетінін сезініп, мұндай жағдайда сабыр сақтап, қауіпсіздік ережелерін ұстанудың қаншалықты маңызды екенін түсінді.