Азаматтық қорғаныс айлығы Алматыда:  қауіпсіздік әлемі – балалар көзімен

 

Алматыда Азаматтық қорғаныс айлығы аясында бірқатар іс-шаралар белсенді түрде өткізілуде. 2026 жылғы айлықтың ұраны — «Азаматтық қорғаныс – әр адамның қауіпсіздігі».

Алматы қаласы Төтенше жағдайлар департаменті өрт қауіпсіздігі тақырыбына арналған «Үздік макет» және «Үздік сурет» байқауын жариялады.

Байқауға балабақша тәрбиеленушілері мен мектеп оқушылары қатысты. Біз балалардың қауіпсіздік ережелерінің маңыздылығын шығармашылық арқылы көрсеткен ең үздік қолөнер бұйымдары мен суреттерін жинақтадық.