Алматыда киберқауіпсіздік пен қаржылық сауаттылық бойынша сабақтар өтті

Алматы қаласы Төтенше жағдайлар департаментінде кәсіби қызметтік дайындық аясында экстремизмге, киберқылмысқа қарсы іс-қимыл, әкімшілік полиция басқармалары және Freedom Bank өкілдерінің қатысуымен сабақтар өткізілді.
Сабақ барысында экстремизмге, киберқылмыстарға, сыбайлас жемқорлыққа қарсы іс-қимыл, тұрмыстық зорлық-зомбылықтың алдын алу, құқықтық және цифрлық сауаттылық мәселелері қаралды.

Сарапшылар заманауи киберқауіптер мен оларға заңды түрде қарсы әрекет ету жолдары туралы айтты, ал Freedom Bank өкілдері қаржылық сауаттылық, жинақ және инвестициялық құралдар жөнінде ақпарат берді.

Қызметкерлер белсенді түрде сұрақтар қойып, мазмұнды жауаптар алды.

Мұндай сабақтар қызметкерлердің құқықтық сауаттылығын арттырып, қазіргі заманның қауіп-қатерлеріне дайын болуға ықпал етеді.