Алматыда жылыту кезеңіндегі өрт қауіпсіздігі күшейтілді

Алматы қаласында жылыту маусымы кезеңінде профилактикалық іс-шаралар жалғасуда.

Алматы қаласы ТЖ департаментінің қызметкерлері Алатау ауданының ТЖ басқармасы, жергілікті атқарушы органдар, еріктілер, QAZAQGAZ AIMAQ өкілдері, «Ішкі үйішілік газ қызметі» мамандары және «Алматы ақшамы» газетінің тілшілерімен бірлесіп, Алатау ауданының жеке тұрғын үйлерін аралады.

Іс-шара барысында халыққа өрт қауіпсіздігі талаптары түсіндірілді. Белгілі санаттағы 10 отбасына көміртегі тотығын (уландырғыш газ) анықтайтын датчиктер орнатылды. Жалпы, жыл басынан бері 100-ден астам датчик орнатылған.

Сонымен қатар, қатты отын жағатын пештерге жөндеу жұмыстары жүргізіліп, атаулы көмек көрсетілді.

Айта кету керек, дәл осындай «Өрт қауіпсіздігі сенбіліктері» қаланың басқа да аудандарында өтті.

Алматы қаласының ТЖ департаменті қала тұрғындары мен қонақтарын өрт қауіпсіздігі ережелерін қатаң сақтауға шақырады!