Отан қорғаушылар күніне және ҰОС Жеңісінің 80 жылдығына арналған сабағы

Еңбекшіқазақ ауданы ТЖБ қызметкерлері оқушыларға ата бабаларымыздың ерлігі  мен ұрпақтар сабақтастығы туралы айтып берді. 

2025 жылдың 6 мамырында Еңбекшіқазақ ауданы ТЖБ қызметкерлері Есік қаласындағы №6 қазақ лицейінің 6 сынып оқушыларына сабағын өткізді. Іс-шара Отан қорғаушылар күніне және Ұлы Отан соғысындағы Жеңістің 80 жылдығына дайындық аясында өтті. Оқушыларға Қазақстанның Жеңіске қосқан үлесі, соғыс майдандарындағы қазақстандықтардың ерлігі, сондай-ақ туыстарының соғыс  қимылдарына қатысқан қызметкерінің жеке тарихы туралы айтылды. Ұрпақтар сабақтастығы атап өтілді: батырлардың ұрпақтары бүгінде ҚР ТЖМ жүйесінде Отанға қызмет етуді жалғастыруда, күн сайын қауіпсіздікті қамтамасыз етіп, азаматтардың өмірін сақтап қалуда.

Алматы облысы ТЖД баспасөз қызметі