Алматы облысы ТЖД бастығының міндетін уақытша атқарушының Еңбекшіқазақ, Талғар аудандарына жұмыс сапары

2025 жылғы 15 ақпанда Алматы облысы ТЖД бастығының міндетін уақытша атқарушы Дәурен Дәулетқанұлы Оразбеков Еңбекшіқазақ ауданы әкімінің орынбасары Е.С. Нұрмахановпен бірге Ават ауылында жаңа өрт сөндіру бөлімі салынатын жер учаскесімен танысты.

Содан кейін Талғар өзені арқылы өтетін Ават карьері мен облыстық маңызы бар автожол көпірі қаралды, онда 2024 жылдың мамыр айында судың ұлғаюына байланысты көпірдің ішінара бұзылуы орын алды, осы учаскеде автожол қозғалысы үшін жабылды.

Сондай-ақ, аралау барысында ҚР ТЖМ "Қазаселқорғау" ММ филиалына, Еңбекшіқазақ ауданы Есік қаласының № 3 өрт сөндіру бөліміне және Талғар ауданы Талғар қаласының № 2 мамандандырылған өрт сөндіру бөліміне барды. Бөлімшелердің материалдық-техникалық жарақтандырылуымен, орталық диспетчерлік пункттің жұмысымен, филиал қызметкерлерінің жұмыс жағдайымен және бөлімшелердің жеке құрамының қызмет атқару шарттарымен танысты.

Жалпы, жұмыс сапары барысында қызметтік-әскери тәртіпті сақтауға, жабдықтарды жаңартуға, Өрт сөндіру бөлімдерінің ғимараттарына күрделі жөндеу жүргізу қажеттілігіне және Ават ауылдық округінде жаңа өрт сөндіру депосын салуға ерекше назар аударылды.

Алматы облысы ТЖД