ҚҰРҒАҚ ШӨПТІҢ ЖАНУЫН ҚАЛАЙ БОЛДЫРМАУ КЕРЕК
Сарқан ауданының аумағында ауа-райының жылынуына байланысты, өрт сөндірушілер күн сайын ашық аумақтағы және саяжай қоғамдарындағы құрғақ шөптің жануын сөндіруге 3 рет шығуда, ал демалыс күндері бұл сан екі есеге артуда.
Өкінішке орай, осындай жағдайлар жиі кездеседі: ауа-райы құрғақ әрі желді кезде кез келген сөндірілмеген темекі тұқылы табиғи апат көлеміне дейін тарауы мүмкін. Сондай-ақ осы кезеңде саяжай өрттері нағыз қайғыға айналады. Бағбандар мен саяжайлар өз мүліктерінің өрт қауіпсіздігін қамтамасыз етуге жеткілікті көңіл бөлмейді, сонымен қатар, көбінесе, бөтен мүлікке, айналадағы адамдардың өмірі мен денсаулығына, атап айтқанда, көршілеріне зиян келтіруге тәуекелетеді.
Құрғақ шөптің жануы – басқарылмайтын процесс. Қатты жанып жатқан өртті тоқтату оңай емес. Көбінесе, шөп өрттерінен үйлер немесе тіпті тұтас қоныстар жанып кетеді. Шөптің өртенуінен өте қатты түтінденеді. Қоқыстың және басқа қалдықтардың жануы кезінде атмосфераға қоршаған ортаны улайтын қауіпті заттардың үлкен көлемі бөлінеді.
Сарқан ауданы Төтенше жағдайлар бөлімі ескертеді:
- Шөпті жағуға болмайды.
- Қоқыстарды бақылаусыз жағуға, алау жағуға болмайды.
- Балалардың сіріңкемен ойнауына рұқсат бермеңіз, олардың шөпті өртеуіне жол бермеңіз.
- Оттың бір құрылыснан екінші құрылысқа ауысуын болдырмау үшін, шаруашылық аулаларының, гараж кооперативтерінің аумағын қоқыстан және құрғақ шөптен тазалаңыз.
- Жанып жатқан сіріңке мен темекіні тастамаңыз.
- Күн сәулесі жарығы түсетін жерде бөтелкелерді немесе шыны сынықтарын қалдырмаңыз.
Құрғақ және желді ауа райында от жағуға болмайды, оларды сөндірмей қалдырмаңыз. Егер сіз басталған өртті байқасаңыз, мысалы, кішкене шөп жанып қалса, оны өздігінен өшіруге тырыспаңыз. Кейде отты басып сөндіруде жеткілікті (шын мәнінде, шөптің бықсып жатпағандығына көз жеткізу керек, әйтпесе өрт қайтадан пайда болуы мүмкін).
Егер өрт өте күшті болса және сіз оны өз күшіңізбен сөндіре алмасаңыз, 101 және 112 телефондарына қоңырау шалып, ол туралы тез арада хабардар етіп, жану ошағы туралы және ол жерге қалай жетуге болатындығы туралы хабарлаңыз.
Сондай-ақ үлкендер мен балалардың табиғат аясында қауіпсіз демалуына ерекше назар аудару қажет. Мұндай өрттердің шамамен 98-99% - ы адамның кінәсінен болады.
Алматы облысы ТЖД баспасөз қызметі