Хабарландыру

Қазақстан Республикасы ТЖМ Алматы облысы ТЖД бос лауазымдарға орналасу үшін алғашқы кәсіптік даярлықтан өтуге іріктеу жариялайды

Құжаттарды қабылдау мерзімі: 2026 жылдың 20 сәуірден 04 мамыр аралығы (хабарландыру жарияланған күннен бастап он жұмыс күн ішінде).

Лауазымдар:

1. Қонаев қаласы ТЖБ Қонаев қаласындағы №1 – өрт сөндіру бөлімінің өрт сөндіру автомобильдерінің жүргізуші-қызметкері – 1;
2. Талғар ауданы ТЖБ Талғар қаласындағы №2 – мамандандырылған өрт сөндіру бөлімінің өрт сөндіру автомобильдерінің жүргізуші-қызметкері – 1;
3. Еңбекшіқазақ ауданы ТЖБ Есік қаласындағы №3 – өрт сөндіру бөлімінің өрт сөндіру автомобильдерінің жүргізуші-қызметкері – 1;
4. Кеген ауданы ТЖБ Кеген ауылындағы №7 – өрт сөндіру бөлімінің өрт сөндіру автомобильдерінің жүргізуші-қызметкері – 1;
5. Іле ауданы ТЖБ Ақши ауылындағы №13 – өрт сөндіру бекетінің өрт сөндіру автомобильдерінің жүргізуші-қызметкері – 2;
6. Талғар ауданы ТЖБ Нұра ауылындағы №15 – өрт сөндіру бөлімінің өрт сөндіру автомобильдерінің жүргізуші-қызметкері - 2 бірлік, өрт сөндіруші-құтқарушы - 5 бірлік;
7. Қарасай ауданы ТЖБ Жібек жолы ауылындағы №16 - өрт сөндіру бөлімінің өрт сөндіру автомобильдерінің жүргізуші-қызметкері - 2 бірлік, өрт сөндіруші-құтқарушы - 5 бірлік.

Жүргізушінің лауазымдық міндеттері: Өрт орнына өрт сөндіру автомобилімен жеке құрамды жеткізу. Бекітілген техниканың сондай-ақ оларға орнатылған механизмдердің үздіксіз жұмысын қамтамасыз ету. Бөлім қарамағындағы өрт сөндіру автомобильдерінің барлық түрлерін әртүрлі жол және метеорологиялық жағдайларда басқара білу. Өрт сөндіру автомобильдеріне техникалық қызмет көрсетіп, жөндеу жұмыстарын жүргізе білуге міндетті.

Өрт сөндіруші-құтқарушының міндеттері: Қарауылдық қызметке қатысу, өртті сөндіруге қатысу, адам өмірі мен мүліктерді құтқару бойынша авариялық-құтқару жұмыстарын жүргізу.

Жүргізуші және өрт сөндіруші-құтқарушының лауазымының іріктеуіне қатысушыға қойылатын талаптар: Іріктеуге қатысушының жасы 35 жастан аспауы шарт. Білімі орта. В,С және одан да басқа санатты жүргізуші куәлігі бар және жүк автокөліктерінде 3 жылғы тәжірибесі болу керек (жүргізуші лауазымы үшін). Қорғаныс министрлігінде әскери-оқу қоры дайындығы бойынша әскери қызмет пен әскери дайындық өткен, сондай-ақ Қазақстан Республикасының заңнамасына сәйкес мерзімді әскери қызметке шақырудан босатылған немесе кейінге қалдырған азаматтар қабылданады.

Азаматтық қорғау органдары қызметкерлерінің лауазымдық жалақысы: жүргізуші - C-SV-13 санаты бойынша еңбек сіңірген жылдарына байланысты
 175 261 теңге.

Іріктеулік комиссия жұмысының ашықтығы мен обьективтілігін қамтамасыз ету үшін оның отырысына байқаушылар шақырылады.

Іріктеулік комиссияның отырысына байқаушылар ретінде Қазақстан Республикасы Парламентінің және барлық деңгейдегі мәслихаттардың депутаттары, Қазақстан Республикасы заңнамасында белгіленген тәртіпте аккредиттелген бұқаралық ақпарат құралдарының, басқа мемлекеттік органдардың, қоғамдық бірлестіктердің (үкіметтік емес ұйымдардың), коммерциялық ұйымдардың және саяси партиялардың өкілдері, мемлекеттік қызмет істері жөніндегі уәкілетті органның қызметкерлері қатыса алды.

Байқаушы ретінде іріктеулік комиссияның отырысына қатысу үшін адамдар әңгімелесу басталғанға дейін бір жұмыс күнінен кешіктірмей кадр бөліміне тіркеледі. Тіркелу үшін адам кадр бөліміне жеке басын куәландыратын құжаттың көшірмесін ұсынады.

Шектеулер: «Құқық қорғау қызметі туралы» Қазақстан Республикасы Заңының 6 - бабының 2-тармағына сәйкес шектелген адамдар, сондай-ақ 17 - бапқа сәйкес қызметкер құқық қорғау қызметінде болуына байланысты шектеулерді
және "Сыбайлас жемқорлыққа қарсы іс-қимыл туралы" Қазақстан Республикасының Заңының 12 - бабында белгіленген сыбайлас жемқорлыққа қарсы шектеулерді қабылдаудан бас тартқан адамдар құқық қорғау органдары қатарына қызметке қабылданбайды.

Құжаттарды қабылдау орны: Алматы облысы, Қонаев қаласы, Сейфуллина көшесі №25 «А» БСН: 92094000300, анықтама телефоны: 8-700-901-1990, электрондық мекен-жайы: ok_dchs_almob@emer.kz

Қажетті құжаттардың тізбесі:

1-қосымшағасәйкес нысан бойынша бос лауазымға орналасуға арналған іріктеуге қатысуға өтініш;

• Қазақстан Республикасы азаматының жеке басын куәландыратын құжаттың көшірмесін;
• білім туралы құжаттардың көшірмелері, сондай-ақ "Білім туралы құжаттарды тану қағидаларын, сондай-ақ білім туралы құжаттары Қазақстан Республикасының аумағында танылатын шетелдік жоғары және (немесе) жоғары оқу орнынан кейінгі білім беру ұйымдарының тізбесін бекіту туралы" Қазақстан Республикасы Білім және ғылым министрінің міндетін атқарушысының
  2021 жылғы 19 шілдедегі № 352 бұйрығына (Нормативтік құқықтық актілерді мемлекеттік тіркеу тізілімінде № 23626 болып тіркелген) 1-қосымшадағы
  Білім туралы құжаттарды тану қағидаларынасәйкес білім туралы құжаттарды тану рәсімдерінен өткенін растайтын құжаттар;
• 2-қосымшағасәйкес нысан бойынша жақын туыстарын, оның ішінде бұрынғы жұбайларын көрсете отырып, өз қолымен жазылған толық өмірбаян;
• әскери билет немесе тіркеу куәлігі;
• Қазақстан Республикасы Еңбек кодексінің 35-бабынасәйкес кандидаттың еңбек қызметін растайтын құжаттар (бар болса);
• 3х4 көлеміндегі түрлі-түсті фотосуреттер (6 дана);
• кандидат пен оның жұбайының (зайыбының) "Сыбайлас жемқорлыққа қарсы іс-қимыл туралы" Қазақстан Республикасының Заңынасәйкес кірістері
  мен мүлкі туралы декларацияны тұрғылықты жері бойынша мемлекеттік
  кіріс органдарына ұсынғанын растайтын құжаттар;
• 3-қосымшағасәйкес нысан бойынша кандидаттың сауалнамасы;
• 4-қосымшағасәйкес нысан бойынша кадрларды есепке алу жөніндегі жеке іс парағы.

Құжаттардың толық емес пакетін ұсыну, іріктеу комиссиясымен оларды қараудан бас тартуы үшін негіз болып табылады.