Жер сілкінісі тұралы ақпарат
"ҚР БҒМ ҒК СТӘЭ" ММ сейсмикалық станциялар желісі 2020 жылғы 6 қарашада Алматы уақытымен 20 сағат 29 минутта жер сілкінісін тіркеді.
Жер сілкінісінің эпицентрі Алматы қаласынан шығысқа қарай 226 шақырым жерде, Алматы облысының Кген және Райымбек аудандарының шекарасында орналасқан.
Жер сілкінісінің энергетикалық класы 11.4.
MPV магнитудасы 4.3.
Эпицентрдің координаттары 43.13° с.е. 79.69° ш.б.
Тереңдігі 20 шақырым.
Сезілетіндігі туралы мәліметтер (МЅК-64 шкаласы бойынша): Кеген, Шалкөде, Ұзынбұлақ ауылдарында 3-4 бал, Алматыда 2-3 бал.
Алматы облысы ТЖ Департаменті ақпаратты алғаннан кейін жергілікті атқарушы органдарды, Полиция Департаментін, Қазселденқорғау, прокуратура және басқа да ұйымдарды хабардар етті, сеніп тапсырылған аумақтардағы жағдай нақтылануда, қираулар мен құрбандар туралы хабарламалар түскен жоқ.
Жер сілкінісіне қалай дайындалу керек?
- Жер сілкінісі кезінде үйде, жұмыста, көлікте және көшеде болған кезде іс-қимыл жоспарын алдын ала ойластырыңыз. Отбасы мүшелеріне жер сілкінісі кезінде не істеу керектігін, электр қуатын, суды, газды кім, қайда және қалай өшіру керектігін түсіндіріп, оларға алғашқы медициналық көмек көрсету ережелерін үйретіңіз.
- Құжаттарды, ақшаны, қалта шамын, қосалқы батареяларды, алғашқы медициналық көмек жинағын, жеке гигиена заттарын, транзисторлық радио, қасықтар, пышақтар, сіріңкелер мен тағамдарды ыңғайлы жерде, мүмкіндігінше пәтерден шығатын есіктін жанында рюкзакта ұстаңыз. Бірнеше күн ішінде үйде ауыз су қоры, портативті шам, өрт сөндіргіш, алғашқы медициналық көмек жинағы және консервілер қоры болсын.
- Төсектерді терезелер мен сыртқы қабырғалардан ары жылжытыңыз. Пәтерлердегі шкафтарды, сөрелерді бекітіп, жоғарғы сөрелерден ауыр заттарды алыңыз. Жиһаз жатын орындарына құлап қалмайтындай, бөлмелерден шығатын есіктерді жауып қалмайтындай етіп орналастыру қажет.
Қауіпті заттарды (улы химикаттарды, тез тұтанатын сұйықтықтарды) олар сынып немесе құлап кетпейтін сенімді, жақсы оқшауланған жерде сақтаңыз.
Төтенше жағдайлар кезінде өзара көмек және бірлескен іс-қимыл туралы көршілеріңізбен келісіңіз.
Жинау орны мен эвакуациялау тәртібін біліңіз.
- Гараж, коттеджді жер сілкінісінен кейінгі алғашқы күндері уақытша баспана ретінде пайдалануға болады. Онда азық-түлік пен қосалқы заттарды сақтаңыз. Отбасында мезгіл-мезгіл жер сілкінісі жағдайында әңгімелер мен жаттығулар өткізіңіз.
Жер сілкінісі кезінде қалай әрекет ету керек?
- Құжаттарды, ақшаны және қажетті заттарды алып, ғимараттан тез шығыңыз. Үйден шығарда лифтпен емес баспалдақпен түсіңіз. Далаға шықан сон - сол жерде болыңыз, ғимараттардың жанында тұрмаңыз, ашық кеңістікке барыңыз.
- Сабырлы болыңыз және басқаларды тыныштандыруға тырысыңыз! Егер сіз бөлмеде қалуға мәжбүр болсаңыз, онда қауіпсіз жерде тұрыңыз: ішкі қабырғаға, бұрышқа, ішкі қабырға саңылауына немесе тірек тірегіне. Мүмкін болса, үстелдің астына жасырыңыз – ол сізді құлаған заттар мен қоқыстардан қорғайды. Терезелер мен ауыр жиһаздардан аулақ болыңыз. Егер сізде балалар болса-оларды өзіңізбен жабыңыз. Егер сіз көпшілік баратын жерлерде болсаңыз, өзіңізді сабырлы ұстаңыз, үрей туғызбаңыз, шығуға асықпаңыз және адамдардың жүру жолында кептелістер жасамаңыз, науқастар мен мүгедектерге көмектесіңіз.
– Шамдарды, сіріңкелерді, оттықтарды пайдаланбаңыз-газ ағып кеткен кезде өрт шығуы мүмкін. Ілініп құлайын деп тұрған қылтималардан, ернеулерден, үзілген сымдардан аулақ жүріңіз. Егер сіз автомобильде болсаңыз, ашық жерде болыңыз, бірақ дүмпулер тоқтағанша көліктен шықпаңыз. Басқа адамдарды құтқару кезінде көмек көрсетуге дайын болыңыз.
Жер сілкінісінен кейін қалай әрекет ету керек?
- Абай болыңыздар! Балалардың, науқастардың, қарттардың қауіпсіздігін қамтамасыз етіңіз. Оларды тыныштандырыңыз. Аса қажеттілігі болмаса телефонды босқадан босқа пайдаланбаңыз. Радиотрансляцияны қосыңыз. Жергілікті биліктің, табиғи апат салдарын жою жөніндегі штабтың нұсқауларына бағыныңыз.
- Анық зақымдалған ғимараттарға жақындамаңыз, оларға кірмеңіз. Күшті қайталанатын дүмпулерге дайын болыңыз, өйткені жер сілкінісінен кейінгі алғашқы 2-3 сағат ең қауіпті. Ғимараттарға қажетсіз кірмеңіз.- Мүмкін қайталанатын дүмпулер туралы ешқандай қауесет жасамаңыз немесе бермеңіз. Ресми ақпаратты пайдаланыңыз. Егер сіз үйіндіде қалсаңыз, жағдайды бағалаңыз, мүмкіндігінше өзіңізге медициналық көмек көрсетіңіз. Үйіндінің сыртындағы адамдармен байланыс орнатуға тырысыңыз (дауыспен, қағып). Есіңізде болсын, отты жағуға болмайды, ал құбырлар мен батареяларды белгі беру үшін пайдалануға болады. Күшіңізді үнемдеңіз.
Алматы облысы ТЖД баспасөз қызметі