Түнгі рейд жүйелі түрде жүргізілуде

Алматы облысының ТЖД қызметкерлері полиция, прокуратура және көлік инспекциясы өкілдерімен бірлесіп, Қапшағай су қоймасындағы қалалық коммуналдық жағажайларда түнгі рейдтерді жүйелі түрде жүргізуде.

Аталған іс-шаралар барысында су айдындарындағы қауіпсіздік қағидаларын бұзған азаматтар, атап айтқанда – түнгі уақытта шомылғандар анықталды. Бұл азаматтарға Қазақстан Республикасының Әкімшілік құқық бұзушылық туралы кодексінің 412-бабына сәйкес әкімшілік хаттамалар толтырылады.

Айта кету керек, рейдтер кезінде дауыс зорайтқыш пен тепловизор, пилотсыз ұшу аппараты (дрон) қолданылды. Оның көмегімен жүзеге асырылды:

Қараңғыда суға шомылып жүргендерді анықтау,

Демалушыларға қауіпсіздік шаралары туралы нақты уақытта хабарлау.

Алматы облысының Төтенше жағдайлар департаменті ескертеді: түнгі уақытта шомылу — қауіпті. Қауіпсіздік қағидаларын сақтау — өміріңіз бен денсаулығыңыздың кепілі.

Алматы облысының ТЖД