Жаңа жылдық мерекелер кезіндегі қауіпсіздік шаралары тақырыбында брифинг өткізілді

23 желтоқсанда Ақтөбе облысының Өңірлік коммуникациялар қызметінде "жаңа жылдық мерекелер кезіндегі қауіпсіздік шаралары"тақырыбында брифинг өткізілді.

Мемлекеттік өрт бақылау басқармасының бастығы Евгений Овчарский атап өткендей, 2021 жылдың 11 айында 586 өрт тіркелді, оның ішінде 303 тұрғын үй секторында, 173 өрт көлік құралдарында.

Өрттен келген шығын 88 млн. теңгеден асты.

Өрт кезінде 8 адам қаза тапты, 16 адам жарақат алды.

Өрттің негізгі себептері болып қалуда:

- Отты абайсыз қолдану – 167;

- Электр жабдықтарын монтаждау және техникалық пайдалану ережелерін бұзу-231.

Төтенше жағдайларға жол бермеу мақсатында Төтенше жағдайлар департаментінің қызметкерлері жергілікті полиция қызметімен бірлесіп жаңа жыл қарсаңында пиротехникалық бұйымдарды сақтау және сату орындары бойынша рейдтер жүргізеді.

Тексеру кезінде өнімнің сапасына, сертификаттардың болуына, сату жүргізілетін үй-жайларды сақтау ережелеріне және нормативтік құжаттардың талаптарына сәйкестігіне ерекше назар аударылады.

Жаңа жылдық іс-шараларды мерекелеу кезінде пиротехникалық бұйымдарды пайдалану қағидаларымен танысу қажет. Оны сақтау және сату мерзіміне назар аударуды ұмытпаңыз: егер өнім мерзімі өтіп кетсе, оны ешқандай жағдайда қолдануға болмайды. Қаптама тұтас, жыртылмаған болуы керек.

Пиротехниканы іске қосқан кезде темекі шегуге қатаң тыйым салынады. Тұраққа қойылған автомобильдердің жанында ракетницаларды атуға болмайды.

Ақтөбе облысы ТЖД

Мемлекеттік өрт бақылау басқармасы