7 мамыр Отан қорғаушылар күнін мерекелеуге орай Ақтөбе қаласында Ақтөбе облысы Төтенше жағдайлар департаменті мен Өрт сөндіру қызметінің өрт сөндіру бөлімдерінің қызметкерлері арасында шағын футболдан матч ұйымдастырылды.
Іс-шараны Департамент бастығы азаматтық қорғау полковнигі Марғұлан Аманбаев ашты. Ол жеке құрамды Отан қорғаушылар күнімен және Жеңіс мерекесімен құттықтады.Спорттық шараға 7 команда қатысты.
Жалпы, барлық командалар лайықты ойнап, соңына дейін жеңіс үшін күресті. Тартысты да ауыр күрестен кейін жүлделі орындар келесідей бөлінді:
3-ші орынды Ақтөбе қаласының № 1 мамандандырылған өрт сөндіру бөлімінің командасы алды.
2-ші орын Өрт сөндіру және авариялық-құтқару жұмыстары қызметінің командасына бұйырды;
жарыстың жеңімпаздары Ақтөбе облысы ТЖ департаментінің командасы болды.
Жеңімпаздар мен жүлдегерлерді Департамент бастығы дипломдармен марапаттады.
Жарыстың мақсаты – азаматтық қорғау органдарының еңбек сіңірген ардагерлерін еске алу, жеке құрамның қажетті дене деңгейін жетілдіру, бос уақытын ұйымдастыру және салауатты өмір салтын насихаттау, сондай-ақ ұжымды біріктіру құралы ретінде қызмет етеді.
Ақтөбе облысы ТЖД
Қоғаммен байланыс тобы