Су тасқынына қарсы іс-шаралар мен өрт жағдайы туралы брифинг өтті
Бүгін Ақтөбе облысының аумағында су тасқынына қарсы іс-шаралар мен өрт жағдайы бойынша Өңірлік коммуникациялар қызметінде брифинг өткізілді.
Онда ТЖД бастығының орынбасары Қ. Қасым, ТЖД Басқармасының бастығы Қ.Тұрмағамбетов, ТЖД бас маманы А. Арзымбетов және Ақтөбе қаласы әкімі аппаратының әскери-жұмылдыру жұмысы, азаматтық қорғаныс және төтенше жағдайлар бөлімінің басшысы С. Дәулетов сөз сөйледі.
Брифингте Қ. Қасым су тасқынына қарсы жүргізіліп жатқан жұмыстар туралы ақпаратты халыққа жеткізді.
Бүгінгі таңда 520 мың м3 астам қар шығарылды, 170 мың м3 астам су сорылды, 1455 м3 инертті материал әкелінді, 254 қап төселді, ұзындығы 76,1 км 156 арық пен нөсер тазартылды.
Сондай-ақ, Қ.Тұрмағамбетов көктем мезгілінде жұқа мұзбен жабылған су айдынының бетіне шығу қаупі туралы айтты.
Облыс аумағындағы өрт жағдайына қатысты А.Арзымбетов сөз сөйледі.
Осылайша, бүгінгі күні 105 өрт тіркелді, олардың теріс салдарынан 3 адам қайтыс болды, 8 адам түрлі дәрежедегі жарақат алды.
Жылыту маусымында алдын алу шаралары жүргізілуде. Атап айтқанда, бүгінгі күні ЖАО және үкіметтік емес ұйымдардың қолдауымен жалпы алғанда қайтарымсыз негізде 9532 түтін дабылы және 94 ағынды парақ орнатылды, 117 өрт сөндіргіш таратылды, 237 түтін мұржасы тазартылды. Сондай-ақ, аралаулар барысында үй маңындағы аумақты тазалау жұмыстары жүргізілді.
Ақтөбе облысы ТЖД
Қоғаммен байланыс тобы