Азаматтық қорғаныс айлығы аясында Ақтөбе облысы ТЖД қызметкерлері «Білім» мектебінің оқушыларына арналған көрме ұйымдастырды

 Іс-шара барысында оқушыларға төтенше жағдайларды жою кезінде қолданылатын заманауи өрт сөндіру-құтқару техникасы, авариялық-құтқару жабдықтары және жеке қорғаныс құралдары таныстырылды. Оқушылар ұсынылған техникаға ерекше қызығушылық танытып, арнайы автокөліктердің жабдықталуымен танысып, мамандарға өздерін қызықтырған сұрақтарын қою мүмкіндігіне ие болды.

Мұндай іс-шараларды өткізу жас ұрпақ арасында қауіпсіздік мәдениетін қалыптастыруға және құтқарушы мамандығын насихаттауға ықпал етеді.

Ақтөбе облысының ТЖД