Ақтөбе облысында жоғалған жігіт табылды

Ақтөбе облысында 1999 ж.т. жігітті іздестіру жұмыстары жүргізілді, ол Сарат ауылынан Сарыбұлақ ауылына қарай мал бағу үшін мотоциклмен шығып, қайтып оралмаған. Іздестіру-құтқару операциясына ТЖД, ПД, ЖАО күштері және елді мекен тұрғындары жұмылдырылды. Үйлестірілген іс-қимылдың нәтижесінде ТЖМ құтқарушылары елді мекеннен 60 шақырым қашықтықта жігітті шаруа қожалықтарының бірінің аумағында тапты. Оның жағдайы қанағаттанарлық, медициналық көмек қажет етпеді.

Ақтөбе облысының ТЖД