«Жас құтқарушы» байқауының қорытындысы шықты

«BOLASHAQ SARAIY» акт залында «Жас құтқарушы» байқауының марапаттау рәсімі өтті. Екі күн бойы жас құтқарушылар жарысқа белсенді қатысып, өздерінің бар қабілеттерін көрсетті, сондай-ақ жаңа білімнің қажетті багажын ала білді, – деп хабарлайды Ақмола облысы ТЖД баспасөз қызметі.

Байқау барысында ең мықтылар анықталды. Облыстық «Жас құтқарушы» слетінің 7 кезеңінің қорытындысы бойынша ІІІ жалпыкомандалық орынды Біржан сал ауданының «Айбын» командасы, ІІ жалпыкомандалық орынды Қосшы қаласының «Жас құтқарушы» командасы және де жүлделі І орынды Жақсы ауданының «Отты жалын» командасының жас құтқарушылары иеленді.

Сонымен қатар, «Визит карточкасы», «Алғашқы көмек көрсету», «Газет жарнама қалқаны», «Өрт эстафетасы», «Техногендік авария аймағындағы авариялық-құтқару жұмыстары», «Су айдынындағы құтқару жұмыстары» және «Табиғи орта жағдайындағы іздестіру-құтқару жұмыстары» номинациялары бойынша көшбасшылар анықталды. Барлық жеңімпаздар грамоталармен және сыйлықтармен марапатталып, қалған қатысушыларға естелік кәдесыйлар таратылды.

 

Ақмола облысы ТЖД баспасөз қызметі.