Ақмола облысында «Жылдамдыққа маневрлеуден үздік жүргізушіні» анықтады

 «ОТАН» РПО автодромы аумағында Ақмола облысы ТЖД «ӨС және АҚЖҚ» ММ бөлімшелерінің 25 жүргізушілер құрамы арасында «Жылдамдыққа маневрлеуден үздік жүргізуші» атағына байқау – конкурсы өткізілді.

Жарыс өрт сөндіру көлігі жүргізушілерінің жауынгерлік әзірлігі мен кәсіби шеберлігін арттыру мақсатында өткізілді.

Жарыс 2 кезеңде өткізілді:

теориялық бөлігі - жол қозғалысы ережелерін, өрт сөндіру машиналары мен арнайы қондырғыларды білу;

практикалық бөлігі - нақты жұмыс жағдайларына мүмкіндігінше жақын жаттығулар жиынтығын орындау.

Жарыстың қатысушылары айыппұл ұпайларына жол бермеуге тырысып, жылдам уақытқа маневр жасау арқылы келесі жаттығулардың түрлерін жасады: «Бастау сызығы», «Туннель қақпасы», «Ойық», «Сегіздік», «Жылан алға және кері», «Артқы жағындағы кірме жол», «Эстафета жарысы», «Тоқтату сызығы».

Байқау – конкурсы нәтижелері бойынша орындар келесідей бөлінді:

1 орын Көкшетауқаласының 2-МӨСБ жүргізуші-қызметкері азаматтық қорғау аға сержанты Бердыбек Нұрбаев ;

2 орын – Ерейментау қаласының 24-ӨСБ жүргізуші-қызметкері азаматтық қорғау  сержанты Сағыныш Билялов;

3 орын – Аршалы ауданының 16-ӨСБ жүргізуші-қызметкері азаматтық қорғау кіші сержанты Сергей Сергейчик;

 

Ақмола облысы  ТЖД «ӨСжәнеАҚЖҚ» ММ

Қоғаммен байланыс тобы