Ақмола облысында өрт қауіпсіздігі айлығының бірінші кезеңі басталды

Өңірде жылыту кезеңінде жеке сектордағы өрттердің алдын алуға бағытталған өрт қауіпсіздігі айлығының бірінші кезеңі басталды.

Профилактикалық іс-шаралар барысында тұрғындарға өрт қауіпсіздігі талаптары түсіндіріліп, көміртегі тотығының концентрациясын анықтайтын датчиктер орнатылып, түтін мұржалары тазаланады.

Әлеуметтік осал топтарға ерекше назар аударылады. Айлықтың алғашқы күнінде мамандар 1 400 үйді аралап, 75 датчик орнатып, 20 түтін мұржасын тазалады.

Жыл соңына дейін профилактикалық іс-шаралармен 200 мыңға жуық жеке тұрғын үйді, оның ішінде әлеуметтік осал топтарға жататын отбасылардың шамамен 9 мың үйін қамту жоспарлануда.

Профилактикалық жұмыстар жергілікті атқарушы органдармен, еріктілермен және басқа да мүдделі ұйымдармен бірлесіп жүргізілуде.