Асүйдегі қауіпсіздік: Көкшетауда қоғамдық тамақтану нысандарында профилактикалық рейд өтті

Көкшетау қаласының Төтенше жағдайлар басқармасының қызметкерлері «Көкшетау қаласының тұрғын үй қатынастары және тұрғын үй инспекциясы бөлімі» ММ және Көкшетау қаласының Полиция басқармасымен бірлесіп, қоғамдық тамақтану нысандарында профилактикалық рейдтік іс-шара өткізді.

Іс-шараның негізгі мақсаты – кәсіпкерлік субъектілері мен қызмет көрсетуші персоналға Қазақстан Республикасының газ баллондарын пайдалану кезіндегі өрт қауіпсіздігі саласындағы заңнама талаптарын жеткізу, сондай-ақ ықтимал төтенше жағдайлардың алдын алу болды.

Рейд барысында мамандар түсіндіру жұмыстарын жүргізіп, мекеме қызметкерлерін нормативтік құқықтық актілердің негізгі талаптарымен таныстырды, ақпараттық-профилактикалық материалдар таратып, газ жабдықтарын қауіпсіз пайдалану бойынша практикалық ұсынымдар берді.

Мұндай іс-шараларды өткізу кәсіпкерлік субъектілерінің жауапкершілік деңгейін арттыруға ықпал ететіні, өрт қауіпсіздігі талаптарының бұзылуына жол бермеуге, сондай-ақ қоғамдық тамақтану нысандарының келушілері мен қызметкерлерінің қауіпсіздігін қамтамасыз етуге бағытталғаны атап өтілді.