Степногорск қаласында химиялық қауіпті нысанда оқу-жаттығу өтті

Степногорск қаласында күкірт қышқылын өндіретін кәсіпорында тактикалық-арнайы оқу-жаттығулар өткізілді.

 

Аңыз бойынша «SSAP» ЖШС күкірт қоймасында электр сымдарының қысқа тұйықталуы салдарынан күкірт шаңы тұтанып, улы газдар бөлінді.

Оқу-жаттығу барысында зауыт аумағындағы кәсіби өрт сөндіру қызметінің іс-қимылдары пысықталды: кәсіпорын қызметкерлерін эвакуациялау, барлау жүргізу және екі шартты зардап шегушіні құтқару іс-шаралары өткізілді.

 

Оқиға жағдайына байланысты Степногорск қаласының ТЖБ және шұғыл қызметтері қосылды. Барлық қатысушылардың іс-қимылдарын үйлестіру үшін жедел штаб құрылды.

Мұндай төтенше жағдайлардың барлық ықтимал сценарийлері пысықталды.

 

Оқу-жаттығулар аяқталған соң практикалық іс-әрекеттерді талқылау мақсатында қорытынды жиын өткізілді.

ДЧС Ақмола облысы