Ақмола құтқарушылары баспасөз турын өткізді

Қазақстан Республикасы ТЖМ-нің 30 жылдығына орай ТЖ департаменті БАҚ өкілдеріне баспасөз турын өткізді. Журналистер биыл құтқарушыларға келіп түскен техниканың үлгілерімен танысуға, сондай-ақ профилактикалық рейдке қатысуға мүмкіндік алды.

Іс-шара Көкшетау қаласының №2 мамандандырылған өрт сөндіру бөлімінің аумағында өтті. Мұнда БАҚ өкілдеріне құтқарушылар өртпен күресіп, қиыншылыққа тап болған адамдарды құтқаратын техника көрсетілді. Айта кету керек, Ақмола облысының ТЖ Департаменті соңғы жылдары материалдық-техникалық паркті жаңғырту түрінде ерекше қолдау алды. Бұл жаңа өрт сөндіру машиналары, жоғары өту техникасы, рюкзакты өрт сөндіргіштер, қосалқы техника, құтқару жабдықтары.

Сондай-ақ, бұл күні журналистер өрт қауіпсіздігі айлығының екінші кезеңі аясында өткізілетін рейдтік алдын алу шараларына қатысты. Жеке тұрғын үй секторының үйлерінде құтқарушылар түтін мұржаларын тазалап, көміртегі тотығы датчиктерін орнатты.

Биылғы жылы облыста газ бен жану өнімдерінің қауіпті концентрациясын анықтауға арналған 898 датчик орнатылған болатын.