Ақмола облысында еріктілер оқытылуда

Ағымдағы жылдың 12 тамызында Ақмола облысы Төтенше жағдайлар департаменті базасында еріктілерді төтенше жағдайлар кезінде іс-қимылдарға дайындығын арттыруға бағытталған оқу ұйымдастырылды.

 

Оқу бағдарламасына қауіпсіздік ережелері, алғашқы көмек көрсету, авариялық-құтқару жабдықтарын пайдалану бойынша теориялық және практикалық сабақтар, сондай-ақ өрттер, су тасқындары және іздестіру-құтқару операциялары кезіндегі іс-қимылдарды пысықтау енгізілді.

 

Ерекше назар еріктілердің ТЖД бөлімшелерімен өзара іс-қимылына, оқиға орнында іс-қимылдарды үйлестіруге және қауіпсіздік техникасын сақтауға аударылды. Практикалық бөлімге авариялық-құтқару техникасының жұмысын көрсету және шартты оқу-жаттығуларға қатысу кірді.

 

Оқу қорытындысы бойынша еріктілер жедел топтар құрамында жұмыс істеуге дайын екендігін растайтын сертификаттар алады. Бұл оларды төтенше жағдайлардың салдарын жоюға және халық арасында алдын алу жұмыстарын жүргізуге тиімді түрде тартуға мүмкіндік береді.

 

Ақмола облысы ТЖД ТЖЖБ