“ӨРТ-2025” РКШОЖ-дың 2-ші күні өтті

Ақмола облысының мемлекеттік азаматтық қорғау жүйесінің құтқарушылары мен қызметтері екінші күні ауқымды оқу-жаттығулар өткізуде.

 Оқу-жаттығулар Бурабай, Бұланды аудандары мен Біржан сал ауданының шекараларында өткізілді. Өрт аймағына түскен елді мекендерден адамдарды эвакуациялау, орман өрттерін сөндіру әдістері пысықталды. Сонымен қатар, орман алқабында адасқан адамдарды іздеу бойынша іс-шаралар жүргізілді, мұнда жедел-құтқару жасағының кинологиялық есептеулері жұмысқа тартылды. Ақмола облысы ТЖД, М.Ғабдуллин атындағы азаматтық қорғау академиясының, аумақтық орман шаруашылықтарының, ЖАО-ның күштері мен құралдары, сондай-ақ “Қазавиақұтқару” және “Қазавиаорманқорғау”борттары жұмылдырылды.

“Аталған оқу-жаттығулардың мақсаты орман және дала өрттерін сөндіруге тартылған барлық қызметтердің өзара іс-қимылын күшейту болды. Орын кездейсоқ таңдалмаған-бұл орман алқабы үш ауданның шекарасында орналасқан. Оқу-жаттығу барысында ТЖБ гарнизондары мен орман мекемелерінің дайындығы тексерілді”,- деп атап өтті Ақмола облысы ТЖД бастығы Бақытжан Алашов.

 Бұл оқу-жаттығулар бүкіл облыс бойынша өткізілді. Жалпы, ауқымды іс-шараларға 800-ге жуық құтқарушы мен мемлекеттік азаматтық қорғау қызметі, үш жүзден астам техника мен 2 тікұшақ жұмылдырылды.

 Соңында ТЖД бастығы Бақытжан Алашов пен Ақмола облысы әкімінің орынбасары Мұрат Балпанның төрағалығымен кеңес өткізіліп, оқу-жаттығу қорытындысы шығарылды.

Ақмола облысы ТЖД