«Екібастұз қаласы әкімдігінің тұрғын үй инспекциясы бөлімі» ММ-нің 2021 жылғы мемлекеттік қызмет көрсету саласындағы қызметі туралы қоғамдық талқылау есебінің ХАТТАМАСЫ

 

          Екібастұз қаласы                       №1                              2022 жылғы 26 ақпан

 

 

Төрағалық еткен: «Екібастұз қаласы әкімдігінің тұрғын үй инспекциясы бөлімі» ММ басшысының орынбасары Мұсайбеков Руслан қайыкенұлы.

 

Қатысқандар: қызмет алушылар (көп пәтерлі тұрғын үйлерді басқару органдарының өкілдері), дербес үйлердің тұрғындары, лифтілерге техникалық қызмет көрсететін ұйымдардың басшылары («Екібастұзлифт» ЖШС, «Транслифт» ЖШС, «Павлодар лифт ремонт» ЖШС), «Екібастұз қаласы әкімдігінің тұрғын үй инспекциясы бөлімі» ММ басшысының орынбасары, сектор меңгерушісі (бұдан әрі – тұрғын үй инспекциясы бөлімі).

Барлығы - 11 адам.

 

КҮН ТӘРТІБІНДЕ:

 

1. «Екібастұз қаласы әкімдігінің тұрғын үй инспекциясы бөлімі» ММ 2022 жылға есебі.

Баяндады: Р.Қ. Мұсайбеков, Тұрғын үй инспекциясы бөлімінің басшысы – 2022 жылға арналған «Қауіпті өндірістік объектілерді және қауіпті техникалық құрылғыларды тіркеу және есептен шығару» мемлекеттік қызметін көрсету іс-шараларының қорытындысы туралы есеп беру.

 

Қоғамдық талқылау

 

2022 жылы Тұрғын үй инспекциясы бөлімі Екібастұз қаласының әлеуметтік инфрақұрылым объектілеріндегі лифтілер мен эскалаторларды, жылыту, су жылыту қазандықтарын (елді мекендер шекарасы шегінде білім беру, денсаулық сақтау, мәдениет объектілері), Құрылыс бөлімі 22-шағын ауданда салған Сәтбаев көшесі, 37, Энергетиктер көшесі, 116, 118, Торайғыров көшесі, 110 көппәтерлі тұрғын үйдегі – барлығы  162 қауіпті техникалық құрылғыны есепке қойды.

Мемлекеттік қызмет көрсету қағидаларында қауіпті техникалық құрылғының иесі (не қауіпті техникалық құрылғыны пайдаланатын ұйымның басшысы) «Е лицензиялау» порталы арқылы сканерленген түрде қауіпті техникалық құрылғының паспортын қоса бере отырып, есепке қоюға өтінім беретіні көзделген.

Техникалық паспортта өзекті мәліметтер толтырылуы тиіс екендігіне назар аударамын:

қауіпті техникалық құрылғының орналасқан жері туралы;

жауапты тұлғаларды тағайындау туралы бұйрықтар, жауапты тұлғалардың қолдары мен мөрлері бар техникалық куәландыру жүргізу туралы жазбалар.

Қазақстан Республикасының жүк көтергіш механизмдерін, қазандықтарын қауіпсіз пайдалану саласындағы өнеркәсіптік қауіпсіздікті қамтамасыз ету қағидаларына сәйкес, әрбір қауіпті техникалық құрылғы – жүк көтергіш механизм гидравликалық және техникалық сынақтардан өтуі тиіс.

Лифтілер мен басқа да Жүк көтергіш механизмдер үшін паспортқа міндетті актілер:

1 пайдалануға қабылдау актілері;

2 техникалық дайындық актісі;

3 мерзімді техникалық куәландыру актісі.

         Қысыммен жұмыс істейтін қазандықтар мен ыдыстар үшін паспортқа міндетті қосымшалар пайдалануға қабылдау актілері, гидравликалық сынау және сыртқы тексеру актісі болып табылады.

Лифт немесе қазандық пайдаланудың нормативтік мерзімін аяқталған жағдайда, иесі мамандандырылған ұйымды тарта отырып, техникалық жай-күйіне сараптамалық тексеру жүргізеді. Пайдалану мерзімін ұзарту туралы сараптамалық қорытынды алғаннан кейін ғана нормативтік қызмет мерзімін өтеген қауіпті техникалық құрылғылар жергілікті атқарушы органға есепке қойылуы мүмкін.

Куәландырудың және сараптаманың барлық актілері міндетті қосымшалар болып табылады және паспортпен бірге сақталады, қауіпті техникалық құрылғыны есепке қою туралы өтінім берген кезде куәландыру актілері және қажет болған жағдайда қоса берілуге тиіс – қызмет мерзімін ұзарту туралы сараптамалық қорытынды актісі.

Егер мәлімделген паспортта ескертулер болса, өтініш беруші Мемлекеттік қызмет көрсетуден дәлелді бас тартады.

Мемлекеттік қызметті көрсету қағидаларына сәйкес есепке қоюдан бас тарту мынадай негіздер болуы мүмкін:

1) мемлекеттік қызметті алу үшін көрсетілетін қызметті алушы ұсынған құжаттардың және (немесе) олардағы деректердің (мәліметтердің) дәйексіздігін анықтау;

2) көрсетілетін қызметті алушының және (немесе) мемлекеттік қызметті көрсету үшін қажетті ұсынылған материалдардың, деректер мен мәліметтердің Қазақстан Республикасының өнеркәсіптік қауіпсіздік саласындағы нормативтік құқықтық актілерінде белгіленген талаптарға сәйкес келмеуі;

3) көрсетілетін қызметті алушыға қатысты соттың заңды күшіне енген шешімі бар, оның негізінде өтініш иесі мемлекеттік қызметті алуға байланысты арнайы құқығынан айырылды.

Азаматтарды мемлекеттік қызметті алу мүмкіндігі туралы ақпараттандыру мақсатында тұрғын үй инспекциясы бөлімі бұқаралық ақпарат құралдарында мынадай жұмыстар жүргізді:

- 2022 жылдың қыркүйек айында «Голос Экибастуза» газетінде «Қауіпті техникалық құрылғыларды есепке қою және есептен шығару» мемлекеттік көрсетілетін қызмет стандарты туралы мақалалар жарияланды;

- Мемлекеттік қызметті көрсету ережесі Екібастұз қаласы Ашық әкімдігінің ғимаратындағы стендте, тұрғын үй инспекциясы бөлімінің ресми сайтында және бөлімнің «Instagram» әлеуметтік желісіндегі парақшасында орналастырылған;

- тұрғын үйлерді басқару органдарына, жеке және заңды тұлғаларға қауіпті техникалық құрылғыларды жергілікті атқарушы органға есепке қою қажеттілігі туралы түсіндіру сипатындағы хаттар жолданды;

- есепке қою туралы ақпараттық хаттар Екібастұз өңірінің ауылдық округтері, кенттері мен ауылдары әкімдеріне жіберілді;

- әкімшілік-құқықтық сектор мемлекеттік қызметті алу бойынша инфографика әзірледі.

2022 жылдың қорытындысы бойынша жалпы саны 10 200-ге жуық адамды қамтитын халықты ақпараттандыру бойынша 13-тен астам іс-шара өткізілді.

Тұрғын үй инспекциясы бөлімі мемлекеттік қызметті көрсету нәтижелері туралы есепті ақпаратты тоқсан сайын Екібастұз қаласы әкімі аппаратының ақпараттық технологиялар және мемлекеттік қызметтер мониторингі бөліміне жібереді.

 

Қоғамдық тыңдау қорытындысы бойынша Тұрғын үй инспекциясы бөліміне 2023 жылы іске асыру үшін келесі мәселелер ұсынылады:

 

- баспа БАҚ-та, әлеуметтік желілерде және жеке және заңды тұлғалардың атына ақпараттық хаттар жолдау арқылы ақпаратты орналастыру арқылы халық арасында Мемлекеттік қызметтерді электрондық форматта алуды насихаттау  шараларын қабылдау – түсінік жұмыстарын тұрақты жүргізу;

- көппәтерлі тұрғын үйлерде орналасқан лифттерді есепке қоюға қатысты тұрғын үйлерді басқару органдарымен (ҮИК, ПКСК, ЖК, МИБ, ЖС) және «Экибастузлифт» ЖШС-мен кеңес өткізу (2022 жылдың екінші тоқсанында);

– бекітілген ұсыну қағидаларында баяндалған талаптарға сәйкес - тұрақты негізде мемлекеттік қызмет көрсету.

                                              

Есеп аяқталды.

 

2. Есепті талқылау.

        

Жоғарыда аталған мәселелерді қарау қорытындысына қатысты қандай да бір шағымдар келіп түсті ме?

 

Қызмет алушылардан өтініштерді қарау кезінде шағымдар есепті кезеңде түскен жоқ. Өтінімдер белгіленген талаптарға сәйкес «Е лицензиялау» ақпараттық жүйесі арқылы қаралды, алушылар нәтижемен Жеке кабинетте танысты.

 

Мемлекеттік қызмет көрсету үдерісі бойынша қандай да бір пікірлер келіп түсті ме?

 

«Е лицензиялау» порталы (Екібастұз қаласының қалалық ауруханасы, Екібастұз қаласының №2 емханасы) арқылы өтініш беру тәртібін түсіндіру мәселесі бойынша заңды тұлғалардың өкілдерінен оң пікірлер келіп түсті. Теріс пікірлер мен ескертулер болған жоқ.

 

Мемлекеттік қызмет көрсету процесін жақсарту мәселелері бойынша ұсыныстар түскен жоқ.

         Қоғамдық талқылау қорытындысы бойынша Тұрғын үй инспекциясы бөліміне ұсынылды:

 

Бекітілген Қағидаларға, стандартқа және регламентке сәйкес Екібастұз қаласының азаматтарына тұрақты негізде мемлекеттік қызметтерді сапалы ұсыну.

Төраға:     Хаттаманы жүргізген:

Р.Қ. Мұсайбеков     Д.Р. Байкенов