"Цифрлық Екібастұз" жобасын жүзеге асыру туралы

2025 жылғы 13-14 қараша күні Екібастұз қаласы әкімдігінің делегациясы Satbayev University университетіне іссапармен барды.

Сапардың мақсаты – тәжірибе алмасу және заманауи цифрлық шешімдерді енгізу арқылы зияткерлік қалалық инфрақұрылымды дамытуға бағытталған «Цифрлық Екібастұз» жобасын іске асыру мәселелерін талқылау болды.

Кездесу барысында университет өкілдері қаланы түрлендірудің кешенді стратегиясын таныстырды: 3D-цифрлық егіз қаланы құру, инженерлік желілер мен жер асты коммуникацияларын біріктіру, сондай-ақ AI-платформасын қолдану арқылы апаттардың алдын алу, қауіпсіздікті арттыру және қаланы басқару жүйесін жетілдіру бағыттары қарастырылды.

Ұсынылған шешімдердің Мемлекет басшысының тапсырмаларына толық сәйкес келетінін ерекше атап өткіміз келеді. Президент өз Жолдауында атап өткендей:

«Жасанды интеллекттің жедел дамуы адамдардың дүниетанымы мен мінез-құлқына әсер етіп отыр… Сондықтан мен үш жыл ішінде Қазақстанды толыққанды цифрлық мемлекетке айналдыру жөнінде стратегиялық маңызды міндет қойдым».

Кездесу қорытындысы бойынша «Цифрлық Екібастұз» жобасын бірлесіп іске асырудың алғашқы кезеңін бастау туралы келісімге қол жеткізілді.

Біз бұл қадамды қалалық инфрақұрылымды жаңғыртудың, Екібастұздықтардың өмір сүру сапасын арттырудың және өңірдің технологиялық тәуелсіздігін нығайтудың маңызды кезеңі деп санаймыз.

Satbayev University басшылығына және ұжымына кәсібилігі, ынтымақтастыққа ашықтығы және Қазақстанның энергетикалық жүрегін дамытуға қосқан зор үлесі үшін шынайы алғыс білдіреміз.

#Екібастұз #SatbayevUniversity #ЦифрлықЕкібастұз #SmartCity #AI #Инновациялар #Даму #Қазақстан