«Мектепке жол» қайырымдылық акциясы пробация қызметінде есепте тұрған отбасыларға қолдау көрсетті

Бүгін жұмыспен қамту және әлеуметтік бағдарламалар бөлімінің мемлекеттік әлеуметтік тапсырысы аясында «Бостандықтан шыққан адамдарға, пробация қызметінде есепте тұрған тұлғаларға әлеуметтік-құқықтық көмек көрсету» жобасы бойынша «Антарес» Қоғамдық қоры «Мектепке жол» қайырымдылық акциясын өткізді.

Жаңа оқу жылы қарсаңында пробация қызметінде есепте тұрған және ерекше қолдауды қажет ететін он отбасы қажетті мектеп құрал-жабдықтарын алды. Акция қиын өмірлік жағдайға тап болған азаматтарға жан-жақты әлеуметтік-құқықтық көмек көрсетуге және олардың қоғамға бейімделуіне бағытталған.

Әрбір мектеп жиынтығына оқу жылын сәтті бастау үшін қажетті барлық құралдар кірді: кеңсе тауарлары, дәптерлер, қаламдар, сурет альбомдары және басқа да маңызды материалдар. Бұл – балалардың барлығына, олардың отбасыларының әлеуметтік жағдайына қарамастан, тең мүмкіндіктер берудегі маңызды қадам.

Жұмыспен қамту және әлеуметтік бағдарламалар бөлімі аталған жобаны жүзеге асыруға үлес қосқан баршаға алғыс білдіреді.