Бүгін ҚР Білім және ғылым министрі Асхат Аймағамбетов қазақстандық педагогтердің атынан ақ халатты абзал жандар - дәрігерлерді кәсіби мерекелерімен құттықтады.
Ол қоғамдағы маңызды мамандық иелері - ұстаздар мен дәрігерлердің есімдері ерекше құрметпен аталатынына тоқталып, пандемия жағдайындағы қажырлы еңбектері үшін алғыс айтты.
"Алтын Шипагер-2021" салтанатты рәсімі барысында Асхат Аймағамбетов "Үздік жас зерттеуші" және "Медициналық жоғары оқу орнының үздік оқытушысы" номинациялары бойынша жеңімпаздарды марапаттады.
"Біздің сүйікті дәрігер", "Біздің батыр!" тақырыбындағы іс-шараның ұйымдастырушылары ҚР Денсаулық сақтау министрлігі атынан Covid-19 індетіне қарсы отандық вакцинаны жасап шығарған Білім және ғылым министрлігі ғылыми қызметкерлерінің еңбегін ерекше атап өтті.
https://www.facebook.com/1120704037/posts/10218633247638628/?d=n