Тәлім мен татулық мектебі

Түркістан облысы, Жетісай ауданындағы Ю. Гагарин атындағы мектеп - көпмәдениетті ортада өзара сыйластық пен ынтымақтастық қағидаттарын ұлықтап келе жатқан іргелі білім ордасы. Мұндағы оқу-тәрбие процесі тек академиялық біліммен шектелмей, оқушылардың бойына мемлекеттік тілге деген құрмет пен ортақ отаншылдық рухты сіңіруге бағытталған.

Мектептің бастауыш сынып мұғалімі Кристина Жильнова - шәкірттердің сүйікті ұстаздарының бірі. Мемлекеттік тілді еркін меңгерген педагог қазақ мәдениетін дәріптеуге айрықша күш салып жүр. Тегі грек Кристина Жильнова өз шәкірттеріне сапалы білім бере отырып, мемлекеттік тілдің мәртебесін көтеруге және ұлттық құндылықтарды жас ұрпақтың санасына ұялатуға зор үлес қосуда.

Білім ордасының мақтанышына айналған 8-сынып оқушысы Милана Джага - заманауи Қазақстан жастарының жарқын бейнесі. Грек халқының мәдениеті мен қазақтың рухани мұрасын тең ұштастырған Милана мемлекеттік тілде шешен сөйлеп қана қоймай, киелі домбыраны да шебер меңгерген. Оның күй орындау шеберлігі - мәдениеттер арасындағы алтын көпірдің нышаны іспетті.

Мектептің қоғамдық өміріне белсене араласатын шәкірттердің бірі - Михаэл Мох. Оның ізденімпаздығы мен көпұлтты ортадағы достықты нығайтуға бағытталған бастамалары мектептегі барлық оқушыға үлгі. Михаэл секілді дарынды жастар мектеп қабырғасындағы ауызбіршілік пен татулықтың нығаюына өзіндік үлесін қосып келеді.

Бұл мысалдар - Қазақстандағы сан түрлі этностардың бір мақсат төңірегінде бірігуінің шынайы көрінісі. Біртұтас қоғамдағы тіл мен мәдениетке деген ортақ құрмет - еліміздің тұрақты дамуы мен мызғымас бірлігінің басты кепілі.