Қостанай облысында кітапханашылар әулеті кітап оқу дәстүрін жалғастырып келеді

Қостанай облысының Қарасу ауданында кітапқа, оқуға және ағартушылыққа деген сүйіспеншілік ұрпақтан ұрпаққа жалғасып келе жатқан әулет бар. Отбасылық дәстүрдің негізін қалаған - Зоя Яковлевна Михалина. Ол туған ауылында 30 жылдан астам уақыт кітапханашы болып еңбек етті. Еңбек жолында ол кітап қорын сақтаушы ғана емес, мәдениет пен сөз өнерінің шынайы жанашыры ретінде танылды.

Бұл жолды оның қызы Галина Васильевна Нагорных та жалғастырды. Ол кітапханашы мамандығына 40 жылдан астам уақытын арнады. Бүгінде ұрпақ сабақтастығын Октябрь мектебінің бастауыш сынып мұғалімі Елена Александровна Щекотова жалғастырып келеді. Педагог ерекше қолдау мен көмекті қажет ететін балалармен жұмыс істейді. Ол бала кезінен кітапханашылар ортасында өсіп, көп кітап оқып, 11 жасынан бастап өлең жаза бастаған.

Отбасы дәстүрін жас буын өкілдері де жалғастырып келеді. Педагогтің қызы Софья - кітапхананың белсенді оқырманы әрі «Жасанды интеллект көзімен әдеби шығармашылық. Алгоритмнен ғажайып тууы мүмкін бе?» атты ғылыми-тәжірибелік конференцияның жеңімпазы.