Инклюзивті білім беру бойынша Республикалық оқу-әдістемелік кеңес құрылды

Қазақстан Республикасы Оқу-ағарту министрлігінің «Арнайы және инклюзивті білім беруді дамытудың ұлттық ғылыми-практикалық орталығы» РММ жанынан Республикалық оқу-әдістемелік кеңес өз жұмысын бастады.

Кеңес ерекше білім беру қажеттілігі бар балаларды оқыту мен тәрбиелеудің жаңа әдістерін әзірлеу мен енгізуге бағытталған инновациялық тәсілдерді сараптамалық бағалаудан өткізеді.

Өтінімдер жылына 4 рет қабылданады:
▫️ 1–15 қаңтар аралығында
▫️ 1–15 сәуір аралығында
▫️ 1–15 шілде аралығында
▫️ 1–15 қазан аралығында

Оған педагогтер мен сала мамандары өздерінің авторлық оқу-әдістемелік материалдары мен бағдарламаларын ұсына алады.

Сараптамадан өту талаптарымен special-edu.kz порталындағы «РОӘК» бөлімінен танысуға болады.