2025 жылғы 3 қарашада ҚР Оқу-ағарту министрі Жұлдыз Сүлейменова Жамбыл облысына жұмыс сапарымен барады

Жұмыс сапары барысында Министр өңірдегі білім беру ұйымдарының қызметімен танысып, Жамбыл ауданының мектептерін, Тараз қаласындағы Оқушылар сарайын, Жамбыл политехникалық жоғары колледжі мен «Асыл Мирас» орталығын аралайды.

Кездесулер барысында білім беру үдерісіне жасанды интеллектіні енгізу, инклюзивті білім беруді дамыту, дарынды балаларды қолдау және педагогтердің біліктілігін арттыру мәселелеріне ерекше назар аударылады.

Қосымша ақпарат үшін министрліктің баспасөз қызметі: 74-17-84