Тиімді мемлекеттік басқару және цифрлық болашақ: Шал ақын ауданындағы қоғамдық кеңестің қорытындысы

          2026 жылғы 18 наурызда Шал ақын ауданында білім беру жүйесінің жұмысын талдауға арналған қоғамдық кеңестің отырысы өтті. Кездесудің негізгі тақырыптары мемлекеттік қызмет көрсету сапасы және оқу процесін цифрландыру стратегиясын іске асыру болды.
          СҚО білім басқармасының бекітілген кестесіне сәйкес 2025 жылдың қорытындысы бойынша мемлекеттік қызметтердің сапасы туралы әдістемелік кабинеттің меңгерушісі Г. А. Капеева сөз сөйледі. Ол бөлімнің қызметі қатаң регламенттелгенін және барлық рәсімдердің ашықтығы арқылы сыбайлас жемқорлыққа қарсы мәдениетті қалыптастыруға бағытталғанын атап өтті. Әлеуметтік маңызды қызметтерге ерекше назар аударылады: тегін ыстық тамақты ұйымдастыру, оқушыларды күнделікті тасымалдауды қамтамасыз ету және сауықтыру лагерлеріне жолдамаларды бөлу. Талдау нәтижелері бойынша ауданда халықтың қанағаттанушылығы-ның жоғары деңгейі тіркелді-есепті кезеңде көрсетілетін қызметті алушылардан бірде-бір шағым түскен жоқ.
Күн тәртібін білім бөлімінің әдіскері А.Д. Байгужинова жалғастырып, жасанды интеллект (ЖИ) енгізу бөлігінде ҚР Президентінің Жолдауын іске асыру барысы туралы баяндады. 2025-2026 оқу жылында ауданның 698 педагогы заманауи цифрлық құралдар мен промпт инжиниринг бойынша ауқымды оқытудан өтті. Инновация қауіпсіздікке де әсер етті: мектептерде оқиғаларды автоматты түрде тануға және әкімшілікке жедел хабарлауға қабілетті нейрондық желіге негізделген бейнебақылау жүйесі енгізілді. Білім беру мекемелерінің материалдық базасы STEM-зертханалармен және робототехника кабинеттерімен толықтырылды, бұл ауыл оқушыларына қалалық құрдастарымен тең дәрежеде инженерлік құзыреттерді игеруге мүмкіндік береді.
        Кеңес соңында сапалы мемлекеттік сервис пен жоғары технологиялардың үйлесімі Шал ақын ауданында заманауи және қауіпсіз білім беру ортасының негізін қалыптыстыратыныны атап өтілді.