Аудан мектептерінде суицид пен құқық бұзушылықтың алдын алу мәселелері бойынша ата-аналар жиналысы өтті.

Ауданның білім беру ұйымдарында аудан прокуратура өкілдерінің   және аудандық полиция бөлімінің ювеналды полиция тобының инспекторларының қатысуымен ата-аналар жиналысы ұйымдастырылды. Кездесулердің негізгі мақсаты ата-аналардың балалардың өмірі мен денсаулығы үшін жауапкершілігін арттыру, кәмелетке толмағандар арасында суицидтік және аутодеструктивті мінез-құлықтың алдын-алу, сондай ақ жасөспірімдер ортасындағы құқық бұзушылықтардың алдын-алу. Жиналыс барысында мамандар ата-аналарға балалардағы эмоционалдық қолайсыздықтың негізгі белгілерін, қауіп факторларын және дағдарыс жағдайларының туындау себептерін түсіндірді. Интернет желісіндегі қауіпсіз мінез-құлық, қорқытудың, кибербуллингтің алдын алу және кәмелетке толмағандарды құқыққа қарсы қызметке тарту мәселелеріне ерекше назар аударылды. Прокуратура және ювеналды полиция өкілдері кәмелетке толмағандардың және олардың заңды өкілдерінің әкімшілік және қылмыстық жауапкершілігі туралы еске салып, балалардың құқықтары мен мүдделерін қорғау саласындағы қолданыстағы заңнама нормаларын түсіндірді.

Ата-аналарға балалармен сенімді қарым-қатынас орнату, дабыл сигналдарын уақтылы анықтау және қиын өмірлік жағдайлар туындаған жағдайда мектеппен және бейіндік қызметтермен өзара іс-қимыл жасау бойынша практикалық ұсыныстар берілді.

Мұндай іс-шараларды өткізу өскелең ұрпақтың қауіпсіздігі мен әл-ауқатын қамтамасыз ету мәселелерінде отбасының, мектептің және құқық қорғау органдарының ынтымақтастығын нығайтуға ықпал етеді.