Тәрбие ісі жөніндегі директорлардың орынбасарларына арналған аудандық семинар: Тәрбие жұмысының тиімді практикасы: тәжірибе идеялар перспективалар»
2025 жылғы 28 тамызда әдістемелік апта аясында тәрбие ісі жөніндегі директорлардың орынбасарлары үшін аудандық семинар өтті. Кездесудің негізгі мақсаты жаңа оқу жылында тәрбие қызметтерінің басым бағыттарын талқылау және аудан мектептері арасындағы өзара іс-қимылдың тиімділігін арттыру болды. Білім бөлімінің әдіскері С.А.Тулешева біртұтас тәрбие бағдарламасын іске асыру жұмысына талдау жасап кіріспе сөз сөйледі. Ол тәрбие жұмысының негізгі бағыттары мен міндеттеріне назар аудара отырып, «Адал азамат» Бір тұтас тәрбие» бағдарламасының жаңартылған тұжырымдасына ерекше назар аударды.
Жұмысшы мамандықтар жылы аясында семинардың екінші тақырыбы-мектептердегі кәсіптік бағдар беру жұмысы ұсынылды. Қатысушылар қазіргі жағдайда өзекті болып табылатын жұмысшы мамандықтарға оқушылардың қызығушылығын арттыруға ықпал ететін нысандар мен әдістерді талқылады.Семинарды Шайкин атындағы мектеп-лицей директорының ТЖ жөніндегі орынбасары Л.К.Рахимберлина аяқтады, ол қатысушыларды БҰҰ Балалар қорының (ЮНИСЕФ) Қазақстандағы өкілдігінің қолдауымен жүзеге асырылатын “Бала қауіпсіздігі” ата-аналар мен білім алушыларға арналған сабақтар бағдарламасымен таныстырды. Ол балаларға, ата-аналарға және тәрбиешілерге қауіпсіздік және денсаулық сақтау мәдениетін қалыптастыруға бағытталған қауіпсіздік сабақтарын өткізу тәжірибесімен бөлісті.
Семинарда мектептердегі пікірталас қозғалысын дамытуға ерекше назар аударылды. Бөкетов атындағы мектеп гимназиясының пікірсайыс клубтарының жетекшілері пікірталастарды ұйымдастыру және өткізу тәжірибесімен, оқушыларды даярлау әдістемелерімен, сондай-ақ пікірталас мәдениетінің оқушылардың сыни ойлауы мен көшбасшылық қасиеттерін дамытуға әсерімен бөлісті.
Семинарға қатысушылар практикалық сабаққа қатысып, онда екі командаға – “үкімет” және “оппозиция” – бөлініп, пікірталас өткізудің құрылымы мен ережелерін нақты көрсетті. Интерактивті форма барлық қатысушыларға пікірталастың мәнін және олардың тәрбиелік әлеуетін түсінуге мүмкіндік берді.
Семинар креативті, интерактивті түрде өтті: қатысушылар пікірсайысқа қатысып, пікірсайыс түрлерін талқылады және алған білімдерін тәжірибеде қолдана отырып, процеске өздері қосылды.
Іс-шара аудан мектептерінде тәрбие жұмысының өзекті мәселелері бойынша тәжірибе алмасу, идеялар мен бірлескен шешімдер әзірлеу алаңына айналды.