2025 жылғы 16 мамырда Шал ақын ауданының барлық білім беру ұйымдарында жалпы мектептік ата-аналар жиналыстары өтті.

Жиналыс барысында 2024–2025 оқу жылының аяқталуы, оқушылардың жазғы демалысын ұйымдастыру және жаз мезгілінде балалардың қауіпсіздігін қамтамасыз ету мәселелері қаралды. Ата-аналарға жазғы кезеңге арналған жоспарлар, оның ішінде мектеп жанындағы лагерьдің жұмысы туралы мәліметтер ұсынылды, сондай-ақ балалардың түрлі іс-шаралар мен жазғы бос уақыт бағдарламаларына қатысуы бойынша түсіндіру жұмыстары жүргізілді.

Каникул кезеңінде жазатайым оқиғалардың алдын алу мәселелеріне ерекше назар аударылды. Барлық ата-аналарға жазғы қауіпсіздік ережелері бойынша жадынамалар таратылды, оның ішінде су айдындарында, тұрмыста және жолда өзін ұстау қағидалары қамтылды.

Жиналыстардың өткізілуі мектеп пен ата-аналар арасындағы өзара байланысты нығайтуға, сондай-ақ оқушылардың жазғы қауіпсіздігі мен демалысын ұйымдастыру бойынша отбасылардың хабардарлығын арттыруға ықпал етті.