Республикалық «Мағжан оқулары» байқауының қалалық кезеңі

2026 жылғы 17 ақпан күні С. Асфендияров атындағы жалпы білім беретін мектебінің базасында Республикалық «Мағжан оқулары» байқауының қалалық кезеңі жоғары деңгейде өткізілді.
Байқаудың мақсаты:
Қаламыздың 8-11 сынып оқушылары арасында Мағжан Жұмабаевтың терең ойлы шығармаларын насихаттау және өскелең ұрпақтың поэзияға деген құштарлығын ояту, сөз өнерінің құдіретін жанымен сезініп, жүрегімен түсіне білетін рухани кемел тұлға тәрбиелеу.

Байқау нәтижесі: Жеңімпаздар мен жүлдегерлер
Байқауға сөз қадірін түсінген 10-нан астам дарынды оқушы қатысып, бақ сынасты. Қазылар алқасының шешімімен төмендегі қатысушылар үздік деп танылды:

1. «Өлең – менің Шолпаным, Айым, Күнім» номинациясы: (Көркемсөз оқу шеберлігі бойынша)
І орын: Есенбаева Айгерим (Ә. Бөкейханов ат. МЛ. Жетекшісі: Каржасова А.С.)

ІІ орын: Бұрахан Динара (С. Асфендияров ат. ЖББМ. Жетекшісі: Сабиолдина А.К.)

ІІІ орын: Токмагамбетова Аяулым (С. Сейфуллин ат. МГ. Жетекшісі: Каржасова А.С.)

ІІІ орын: Ахмедиева Виолетта (Е. Бөкетов ат. ЖББМ. Жетекшісі: Бажаева Б.К.)

2. «Жасынан оқу оқып, өнер қуған...» номинациясы: (Мағжан шығармашылығын зерттеу және білім деңгейі бойынша)
І орын: Исабай Мадина (С. Асфендияров ат. ЖББМ. Жетекшісі: Калабаева А.С.)

ІІІ орын: Кайыргелді Аяулым (№11 ЖББМ. Жетекшісі: Жуманова А.К.)

3. «Ақын да бір бала ғой айға ұмтылған» номинациясы: (Жас ақындар – өз шығармашылығы бойынша)
І орын: Қуатбекұлы Рауан (Ә. Бөкейханов ат. МЛ. Жетекшісі: Кузембаева М.К.)

ІІ орын: Құрбанбай Динара (С. Асфендияров ат. ЖББМ. Жетекшісі: Біржікен Э.О.)

«Арыстандай айбатты, Жолбарыстай қайратты – мен жастарға сенемін!» – деп ақын атамыз сенім артқан бүгінгі жас өрендер Мағжан рухын асқақтатып, жырдың асыл маржанын шашты. Жеңімпаздарды шын жүректен құттықтаймыз!