Республика күні мен Мемлекеттік егемендік туралы декларациясының 35 жылдығы қарсаңында қаламыздың мектептерінде «Жас Ұлан» және «Жас қыран» қатарына қосылу рәсімдері өтті.

Аталған іс-шараның мақсаты: өскелең ұрпақты патриоттық тәрбиелеу, оқушылардың қоғамдық және шығармашылық белсенділігін арттыру.

Антты салтанатты түрде қабылдағаннан кейін балаларға көк галстук тағылды. Қабылданғандардың жалпы саны 429 адамды құрайды, оның ішінде «Жас қыран» қатарына - 353 адам, «Жас Ұлан» қатарына - 76 адам қосылды.

Іс-шараларда мерекелік атмосфера орнады, балалар мақтаныш пен патриотизм сезімін сезінді.