Страницы

Статья

Робототехника-білім беру бағыты

Робототехника-білім беру бағыты

Қазіргі таңда бүкіл дүние жүзінде робототехника ғылымы кең қолданыс тауып отыр. Біздің мемлекетімізде де дамыған елдер қатарына қосылу мақсатында, осы бағытта ғылыми-техникалық прогресстің осы бір маңызды бағытына ерекше көңіл бөлінуде. Осы бағыт-бағдарда оқушылардың ой-өрісін дамытып, шығармашылық көзқарасын кеңейту мақсатында білім беру ұйымдарында түрлі үйірмелер ұйымдастырылуда.
Шахтинск қаласының білім бөліміне қарасты білім беру ұйымдарында робототехника кабинеттері жұмыс жасап келеді. Жалпы білім беретін мектептердегі робототехника кабинетімен жабдықталу 58,3 % құрайды. Қосымша білім берудің қол жетімді ортасын құру мақсатында 2018 жылы Оқушылар сарайында «Кемеңгер» техноорталығы ашылған болатын.
«Кемеңгер» техноорталығында "Лига роботов", "Академия Архимеда" «Шаг в будущее» техникалық ғылымдар мектебі,"Polyglot", «Эврика-Парк» мультимедиялық-лингафондық сыныбы оқушыларға қосымша білім берумен қатар, бос уақыттарын пайдалы өткізуге септігін тигізе отырып қарқынды жұмыс атқаруда. Техноорталықтың ашылуы қосымша білім алатын балалар санының артуына жол ашты.
«Технический дизайн», «Детская робототехника», «Радиоэлектронное конструирование», «STEM-лаборатория», «3D–моделирование «Мультипликация», «3D–моделирование Indesign», FABLAB-лаборатория тәрізді қосымша бағыттардың ашылуы жас ұрпаққа робототехника саласының қыр-сырын терең игеруге мол мүмкіндік ашты.
Шахтинск қаласының жалпы білім беру ұйымдары мен мектепке дейінгі білім беру ұйымдарындағы робототехника кабинеттерінің жұмыстарын үйлестіру, бірлесе жұимыс жасау,тәжірибе алмасу мақсатында «Ақпараттық технологиялардың шығармашылық зертханасы» белсенді жұмыс атқарып келеді. Зертхана қызметі- робототехника кабинеттерінің жыл бойы жұмыс жоспарын үйлестіріп, педагогтер мен оқушылардың бірлесе жұмыс атқаруына, түрлі жарыстарға қатысуына ықпал ету болып табылады. Робототехникамен әр түрлі жастағы балалар айналысады. Бастысы балада қызығушылық болғаны дұрыс. Білім беру ұйымдарындағы робототехника кабинеттеріндегі қызмет атқарып келе жатырған әр педагогтің алға қойған мақсаты- командалық жұмысты және ойлауды дамытып, балаларды шабыттандыру және зияткерлігін дамыту. ⬇️

1 нед.

shahtinsk_obrazovanie
Жалпы қай білім саласын алсақ та 80 пайызы – тәжірибе, 20 пайызы – теория жүзінде беріледі Оқушылар өз жобаларын жоспарлап, оны ары қарай дамыта отырып, теорияны тәжірибемен жалғастырып, түрлі бағдарламалармен жұмыс жасауды меңгеруде.
Шахтинск қаласының білім беру ұйымдарында робототехника саласында қосымша білім алып отырған оқушылардың басым бөлігі облыстық, республикалық және халықаралық жарыстарға қатысып жүлделі орындардан көрініп жүр.
Қосымша білім беруді дамыту, қосымша білім алатын оқушылар санының артуы мақсатында, Шахтинск қаласының білім бөлімі робототехника кабинеттерімен жан-жақты толықтай жабдықтау арқылы робототехника кабинеттерінің санын жыл санап арттыруда.
Заманауи балалардың қиялына шексіз мүмкіндік беретін, ой-өрісінің шығармашылық тұрғыда дамуына мүмкіндік беретін бірден бір сала-робототехника. Робототехника жайлы жан-жақты ақпарат алған тәлімгерлер болашақта қандай мамандық иесі болуын өз бетінше таңдап, жаңа технологияларды толыққанды меңгеріп шығады. Ал, оны меңгерген ұрпақ көштен қалмай, еліміздің көркеюіне үлес қосары сөзсіз.

ҚО ББ "Шахтинск қаласының білім бөлімі " ММ басшысы Н.Онсович