Болашақ — кітап оқитын ұрпақтың қолында!

Нұра ауданында үлкен білім мерекесі! «Кітап оқитын ұлт» жобасының алғашқы қадамы жасалды. Мектепішілік кезеңге білек сыбана кіріскен жас өрен бүгін нағыз зияткерлік доданың көркін қыздыруда. Бұл дода — жастар арасында кітап оқу мәдениетін қалыптастыру мен рухани байлықты арттыруды көздейді. Байқауға аудан бойынша 6-10 сынып аралығындағы: қазақ лигасынан және орыс лигасынан  900-ге жуық оқушы қатысып, өздерінің оқу сауаттылығы мен білімдерін сарапқа салуда. Кітап — сарқылмас қазына.  Ең үздік, ең көп оқитын оқушылар келесі кезеңге жолдама алады. Осыншама оқушының кітапқа деген құштарлығы — еліміздің жарқын болашағының кепілі. Әрбір парақталған бет — жаңа мүмкіндік пен жаңа әлем. Қатысушыларға шабыт пен жеңіс тілейміз! Сендер нағыз чемпионсыңдар! Аудандық кезеңге жолдама алған оқушыларға  сәттілік тілейміз!