Үкімет отырысында Ұлттық экономика министрі «Қуатты өңірлер – ел дамуының драйвері» Ұлттық жобасын іске асыру барысы туралы баяндады
Бүгін Премьер-Министр Әлихан Смайыловтың төрағалығымен өткен Үкімет отырысында Ұлттық экономика министрі Әлібек Қуантыров «Қуатты өңірлер – ел дамуының драйвері» Ұлттық жобасын іске асыру барысы туралы баяндады.
Ұлттық жобаны іске асыру
2022 жылы:
- Жалпы 1,8 трлн. теңге қарастырылған
- Бюджеттен тыс қаражат – 709 млрд. теңге
1 тамызға 528 млрд. теңге немесе 30%-ы игерілді.
Ұлттық жобаны 2021 жылы іске асыру келесі нәтижелерге қол жеткізуге мүмкіндік берді:
- Тұрғындарды ауыз сумен қамтамасыз ету көрсеткіші 96%-ды құрады
- Моно- және шағын қалаларда инженерлік және көлік инфрақұрылымының тозуы 57,6%-дан 45,5%-ға дейін төмендеді
- 17,1 млн. шаршы метр тұрғын үй пайдалануға берілді
- Республикалық маңызы бар жолдардың үлесі 90%-ға дейін өсті (нормативтік күйде)
- Жергілікті маңызы бар жолдардың үлесі 80%-ға дейін ұлғайды
- 112 мыңға жуық тұрақты және уақытша жұмыс орындары құрылды
— Жоспарланған 20 көрсеткіштің 4-і орындалмаған. Олар — тұрғын үйді пайдалануға беру, ҚР аумағы арқылы транзит көлемі, Транскаспий бағытындағы контейнер ағыны және «Дипломмен ауылға» жобасы бойынша бюджеттік кредиттер беру бойынша көрсеткіштер. Көрсеткіштердің толық орындалмауының негізгі себептердің арасында жобалардың қымбаттауы және жобалық-сметалық құжаттаманы түзетуі, сондай-ақ COVID-19 аясындағы шектеу шаралары және т.б., - деді министр.
ҰЭМ Ұлттық жоба аясында «Ауыл – Ел бесігі» бағдарламасы бойынша ауылдарды жаңғыртуға белсенді қатысуда
2021 жылы:
- 480 ауыл қамтылды
- 2,9 мың км инженерлік желілер мен жолдар салынды және жөнделді
- 300 әлеуметтік нысандар
2022 жылы:
- Республикалық бюджеттен 128 млрд. теңге бөлінді
- 576 ауылда 1 056 жобаны іске асыру жоспарлануда
- Тұрғын үй-коммуналдық шаруашылық саласында – 91 жоба
- Әлеуметтік инфрақұрылым саласында – 454 жоба
- Көлік инфрақұрылымы саласында – 511 жоба
А.ж. 1 тамызына әкімдіктер 52,2 млрд. теңгені немесе 40,8%-ды игерді.
«Дипломмен ауылға» бағдарламасы
2021 жылы:
- 4,3 мың жас маман тұрғын үй сатып алу үшін бюджеттік кредиттер алды
2022 жылы:
- Республикалық бюджеттен 4,3 мың маманға тұрғын үй сатып алуға 20 млрд. теңге бөлінді
А.ж. 1 тамызына 2 мың маман тұрғын үй алды.
2022 жылы моно- және шағын қалалардың инфрақұрылымын дамыту:
- 25,8 млрд. теңге бөлінді
- 28 моно- және шағын қалаларда 57 жобаны іске асыру жоспарлануда
- А.ж. 1 тамызына әкімдіктер 9,2 млрд. теңгені немесе жылдық жоспардың 35,8%-ын игерді
Сондай-ақ, Министрлік Ауылдық аумақтарды дамыту тұжырымдамасын әзірлеуде. Құжат ауылдық жерлердің инфрақұрылымын, кәсіпкерлікті және агроөнеркәсіпті дамыту бойынша, кадрлық әлеуетін арттыру, тұрғындардың Интернет желісіне қол жеткізуін ұлғайту және тағы басқалар бойынша кешенді іс-шаралар қамтитын болады.