Олжас Құдайбергенов Қазақстан Республикасы Ұлттық экономика министрлігі жанындағы Басқарушы кеңестің төрағасы болып сайланды
ҚР Ұлттық экономика министрлігі жанындағы Басқарушы кеңестің отырысында Қазақстан Республикасындағы мемлекеттік басқарудың жағдайы мен болашағы талқыланды.
Ұлттық экономика министрі Руслан Дәленов Кеңестің негізгі міндеттерін түсіндірді. Бұл Министрліктің қызметін бағалау және жетілдіру бойынша ұсынымдық шешімдер әзірлеу.
Кеңес төрағасы болып экономист, Қазақстан Республикасы Президентінің жанындағы әлеуметтік-экономикалық реформалардың мониторингін талдау орталығының мүшесі Олжас Құдайбергенов сайланды.
Күн тәртібі бойынша Ұлттық экономика вице-министрі Айгүл Шайымова сөз сөйледі. Оның айтуынша, сапа мен тиімділікті арттыру үшін мемлекеттік аппаратты басқарудың құзыреттілік тәсіліне көшіру жоспарлануда. Бұл ұйымдық құрылымға икемділік береді және мемлекеттің экономикалық күн тәртібінің трендтерін ескере отырып, мемлекеттік органдар құрылымында "жұмсақ" департаменттер құруға мүмкіндік береді.
Отырысқа қатысушылар қойылған міндеттерді нәтижелі шешу үшін мемлекеттік органдардың кадрлық әлеуетін одан әрі жетілдіру бойынша ұсыныстар жасады.
Ұлттық экономикалық ведомство басшысы Руслан Дәленов ұсынылған шараларды іске асыру тетігі жаңа экономикалық саясаттың негізгі бағыттары бойынша нәтижеге қол жеткізуге бағытталатынын атап өтті. Құзыреттілік тәсіл қабылданған шешімдердің тиімділігін арттырады. Өйткені басқарушылық шешімдер қабылдаудың тек бір ғана деңгейі болады.
Еске салсақ, бұған дейін Руслан Дәленов Президенттің кадрлық резерві құрамымен кездесуінде Басқарушы кеңестің құрылатынын жариялап, сонымен қатар кадрлар резерв өкілін осы кеңестің құрамына қосу туралы ой айтқан еді.
Резерв қызметкерлері бүгінгі кездесуге қатысты.
Анықтама: Кеңестің міндеті - мемлекеттік саясаттың бақыланатын басым секторларында жүктелген міндеттерге қол жеткізу үшін Министрліктің қызметін бағалау және жетілдіру бойынша ұсынымдық шешімдер әзірлеу.
Басқарушы кеңестің құрамына: Министрліктің басшылығымен қатар (қарастырылып отырған мәселелердің құзыретіне сәйкес)
Қазақстан Республикасы Президентінің жанындағы Әлеуметтік-экономикалық реформалардың мониторингін талдау орталығының мүшесі О.А. Құдайбергенов, төраға,
«TALAP» қолданбалы зерттеулер орталығының директоры Ошакбаев Р.С.,
«DAMU Research Group» ЖШС басшысы Айсауытов Т.С.,
Қазақстан Республикасы Президентінің Әкімшілігі жанындағы Әлеуметтік-экономикалық реформаларды бағалау және мониторингілеу орталығы жанындағы Сараптамалық-талдау тобы жетекшісінің орынбасары Елекеев Е.И. кіреді.